پنجاب میں 130ارب کے سکالر شپس ، رجسٹریشن شروع ، ہونہار طلبہ کی مالی رکاوٹیں ختم کردیں ، وزیراعلیٰ مریم نواز

لاہور(خصوصی نمائندہ)وزیراعلیٰ پنجاب مریم نوازشریف نے ایک اور وعدہ پورا کردیا ،وزیراعلیٰ کی ہدایت پر ہونہار سکالر شپ پروگرام کی رجسٹریشن شروع ہوگئی ہے-عالمی جاب مارکیٹ کے تقاضوں کے مطابق ہونہار سکالر شپ پروگرام کے تحت 68ڈسپلنز میں سالانہ 30ہزارطلبہ کو سکالر شپ دیا جائے گا-50پبلک سیکٹر یونیورسٹیز،16میڈیکل کالجز اور131گریجوایٹ کالجز کے طلبہ کو ہونہار سکالر شپ دیا جائے گا- 8سال میں 130ارب روپے کے وظائف فراہم کئے جائیں گے- 4سالوں میں ایک لاکھ 20ہزار طلبہ مستفید ہوں گے- طلبہ honhaarscholarship.punjabhec.gov.pk پر اپلائی کر سکتے ہیں - وزیراعلی نے کہاکہ الحمدللہ اپنی پہلی تقریر میں کیا ایک اور وعدہ پورا کردیا-ہونہار سکالرشپ پروگرام کاآغاز اہم سنگ میل ہے جو ہونہار طلبہ کے لئے معیاری تعلیم تک رسائی یقینی بنائے گا اوراعلیٰ تعلیم کے لئے ذہین طلبہ کی مالی رکاوٹو ں کو ختم کردے گا - نوجوانو ں کو اعلی تعلیم اور بہترین روز گار فراہم کرنا چاہتے ہیں ، ہونہار سکالرشپ نوجوانوں کے اعلیٰ تعلیم کے خواب پورے کرے گا،دریں اثناء وزیر اعلیٰ نے سرگودھا میں اسسٹنٹ سب انسپکٹر اور اس کے نجی گارڈ کی طالبہ سے مبینہ زیادتی کے واقعہ کا نوٹس لے لیا اور انسپکٹر جنرل پولیس سے رپورٹ طلب کر لی ہے۔ وزیر اعلیٰ نے کہا کہ ملزمان کو کیفر کردار تک پہنچایا جائے۔