نیویارک میں اقوام متحدہ کے سامنے کشمیریوں کا احتجاجی مظاہرہ

میویارک(این این آئی) امریکہ میں مقیم کشمیریوں اوران کے دوستوں نے جموں وکشمیر پر بھارت کے ناجائز قبضے کے خلاف نیویارک میں اقوام متحدہ کی جنرل اسمبلی کے اجلاس کے موقع پر احتجاجی مظاہرہ کیا۔ مظاہرین میں خواتین اوربچے بھی شامل تھے۔ مظاہرین نے ہاتھوں میں بینرز اور پلے کارڈز اٹھائے رکھے تھے جن پرʼʼنو الیکشن نو سلیکشن: یو این ریزولوشن آنلی سلوشنʼʼ اورʼʼ کشمیر میں الیکشن صرف ایک دھوکہ ہے ʼʼ اور ʼʼبھارت کی جمہوریت جعلی ہےʼʼجیسے نعرے درج تھے۔ مظاہرین نے محمد یاسین ملک اوردیگر نظربندکشمیری رہنمائوں کی رہائی کا مطالبہ کیا۔ شرکاء نے جموں و کشمیر کے مظلوم عوام کے ساتھ مکمل یکجہتی کا اظہار کیا۔ورلڈ کشمیر اویئرنس فورم کے سیکریٹری جنرل ڈاکٹر غلام نبی فائی نے اس موقع پر خطاب کرتے ہوئے کہاکہ ہم آج یہاں خاص طور پر بھارتی مندوب کیخلاف احتجاج کرنے کیلئے آئے ہیں۔ ہمارا ماننا ہے کہ بھارت کے وزیر خارجہ ڈاکٹر جے شنکر اس قابل نہیں کہ وہ دنیا کے 193ممالک کی نمائندگی کرنے والے اس شاندار فورم میں خطاب کریں۔