فضل الرحمٰن نے بتایا مجھے کہا گیا PTI حکومت ختم کرو‘ گنڈاپور

پشاور (این این آئی)وزیر اعلی خیبرپختونخوا علی امین گنڈا پور نے کہا ہے کہ غیر جمہوری طریقے سے آئے ہوئے لوگوں نے آئین کو تباہ کردیا ہے ،یہ گولیاں اور تشدد ہمارا وقت ضائع کرسکتا ہے لیکن مقصد تبدیل نہیں کرسکتا‘فضل الرحمن نے خود بولا کہ مجھے کہا گیا کہ پی ٹی آئی کی حکومت ختم کرو، مولانا صاحب آپ مان گئے کہ امریکا کے کہنے پر آپ نے پی ٹی آئی کی حکومت گرائی ہے۔پشاور ہائیکورٹ کے باہر میڈیا سے گفتگو میں ان کا کہناتھاکہ 2017ءکے پولیس ایکٹ پر کام کررہے ہیں‘ کوئی اپنی طاقت کو بے جا استعمال نہیں کرسکتا۔وزارت داخلہ اور دیگر محکموں کے ساتھ ملکر قوانین بنارہے ہیں۔ میں وزیر اعلی ہوں اپنے وسائل ڈنکے کی چوٹ پر استعمال کروں گا، میری مشینری راستہ اس لیے کلیئرکرے گی کیونکہ میں اس صوبے کا وزیراعلی ہوں۔