ماڑی پور، سندھ مدرسہ کی لیکچرار کی بہن کو مبینہ طور پر اغوا کر لیا گیا

کراچی( اسٹاف رپورٹر )ماڑی پور کے علاقے سے سندھ مدرستہ الاسلام کی لیکچرار کی بہن کو مبینہ طور پر اغوا کر لیا گیا۔پولیس نے واقعہ کا مقدمہ خاتون کی بہن کی مدعیت میں تھانہ ماڑی پور میں درج کر لیا ہے۔مدعیہ کے مطابق وہ سندھ مدرستہ الاسلام میں لیکچرار ہیں ۔کچھ عرصہ پہلے ایک فون نمبر سے ہمارے گھر کے نمبر پر کالز اور میسج آ رہے تھے۔پیر کو میری والدہ چھوٹی بہن کے ساتھ کہیں گئی ہوئی تھں اور میں گھر پر سو رہی تھی۔جب وہ واپس آئیں میری چھوٹی بہن 35 سالہ وردہ گھر پر موجود نہیں تھی۔ہم نے اپنے طور پر اسے ڈھونڈا نہیں اس کا پتا نہیں چل سکا۔مدعیہ کے مطابق مجھے یقین ہے کہ جس نمبر سے فون کالز آ رہی تھیں اس شخص نے اپنے دیگر ساتھیوں کے ساتھ میری بہن کو بہلا پھسلا کر زنا کی نیت سے اغوا کر لیا ہے۔پولیس کا کہنا ہے کہ واقعہ کی مختلف پہلوؤں سے تفتیش کی جا رہی ہے۔