سینیٹ قائمہ کمیٹی، وزارت آبی وسائل حکام کی بریفنگ پر عدم اطمینان کا اظہار

اسلام آباد (ناصر چشتی) سینیٹ قائمہ کمیٹی، وزارت آبی وسائل حکام کی بریفنگ پر عدم اطمینان کااظہار،چئیرمین نے کہا کہ زیر زمین پانی کی کمی اہم مسئلہ ، نظر انداز کیا گیا، بلوچستان میں مزید ٹیوب ویلوں کی تنصیب کو روکاجائے، سینیٹ کی قائمہ کمیٹی آبی وسائل کا اجلاس سینیٹر شہادت اعوان کی زیر صدارت ہوا،شہادت اعوان نے وزارت آبی وسائل حکام کی بریفنگ پر عدم اطمینان کا اظہار کیا، بلوچستان میں زیر زمین پانی کی کمی اور وزارت کے اقدامات پر بریفنگ کے دوران انہوں نےکہا 2021 کے بعد سے کوئی سروے نہیں کیا گیا زیر زمین پانی کی کمی ایک اہم مسئلہ ہے تاہم اسے نظر انداز کیا گیا ہے اگر یہ سروے 2021 کے بعد کرایا جاتا تو شاید صورتحال نہ بگڑتی۔