ممتازاسکالر ذاکرنائیک پاکستان پہنچ گئے‘اجتماعات سے خطاب کرینگے

اسلام آباد(ایجنسیاں)ممتازاسلامی اسکالر اور مبلغ ڈاکٹر ذاکر نائیک اسلام آباد پہنچ گئے۔ڈاکٹر ذاکر نائیک اسلام آباد، کراچی اور لاہور میں عوامی اجتماعات سے خطاب کریں گے۔ پاکستان میں قیام کے دوران وہ اعلیٰ حکومتی عہدے داروں سے بھی ملاقاتیں جبکہ نماز جمعہ کے اجتماعات سے خطاب اور امامت بھی کریں گے۔ڈاکٹر ذاکر نائیک عوامی تقریبات میں بھی شرکت کریں گے۔ڈاکٹر ذاکر نائیک 28 اکتوبر تک پاکستان میں قیام کریں گے۔پاکستان پہنچنے پر وزیرِ اعظم یوتھ پروگرام کے چیئرمین رانا مشہود اور ایڈیشنل سیکریٹری وزارتِ مذہبی امور عطاء الرحمٰن نے ان کا استقبال کیا۔