مسلسل پانچویں بار پٹرولیم مصنوعات کی قیمتوں میں کمی، پٹرول 2.07 روپے سستا

اسلام آباد (کامرس رپورٹر ،جنگ نیوز)حکومت کی جانب سے عوام کو ریلیف کی فراہمی کا سلسلہ جاری، پٹرولیم مصنوعات کی قیمتوں میں مسلسل پانچویں بار کمی کا اعلان کرتےہوئےاگلے 15 دن کیلئے پٹرول 2.07روپے اور ڈیزل 3.40پیسے فی لٹر سستا کردیا۔ لائٹ ڈیزل کی قیمت میں 1 روپے 03پیسے جبکہ مٹی کے تیل کی قیمت میں 3 روپے 57 پیسے،جبکہ ہائی سپیڈ ڈیزل کی قیمت میں 3 روپے 40 پیسے فی لٹر کمی کا اعلان کیا گیا ۔قیمتوں میں کمی کے بعد پٹرول کی نئی قیمت49 2روپے10پیسے فی لٹر سے کم ہو کر247روپے 03پیسے فی لٹر ہوگئی۔ 3 روپے 40 پیسے کمی کے بعدہائی سپیڈ ڈیزل کی قیمت 249.69 روپے سے کم ہو کر 246.29 روپے فی لٹر،مٹی کے تیل کی قیمت 158.47 روپے سے کم ہو کر 154.90 روپے فی لٹر اور لائٹ ڈیزل آئل کی قیمت 141.93 روپے فی لٹر سے کم ہو کر 140.90 روپے فی لٹر ہو گئی۔وزارت خزانہ کی جانب سے جاری بیان کے مطابق وزیراعظم شہباز شریف کی ہدایت پر پیٹرولیم مصنوعات کی قیمتوں میں کمی کا فائدہ عوام کو منتقل کیا جا رہا ہے۔نئی قیمتوں کا اطلاق گزشتہ رات 12 بجے سے ہو گیا۔ پیٹرولیم مصنوعات کی قیمتوں میں کمی عالمی سطح پر تیل کی قیمتوں میں کمی کے رحجان کے باعث کیاگیا