یو این کے آفیشل یوٹیوب چینل پر شہبازشریف سب سے زیادہ بار دیکھنے والے عالمی رہنما

اسلام آ باد ( نیوز رپورٹر) اقوام متحدہ کے آفیشل یوٹیوب چینل پر عالمی راہنماؤں کی تقاریر میں وزیراعظم شہباز شریف کی تقریر سب سے زیادہ دیکھی گئی۔ سینٹر فار پبلک اوپینین ریسرچ نے اعدادوشمار جاری کر د یےجس کے مطا بق اقوام متحدہ کے آفیشل یوٹیوب چینل پر وزیراعظم شہباز شریف کا خطاب سب سے زیادہ بار دیکھا گیا۔ شہباز شریف اقوام متحدہ کی جنرل اسمبلی سے خطاب کو دنیا میں سب سے زیادہ دیکھے جانے والے عالمی راہنما بن گئے ۔ وزیراعظم شہباز شریف کا اقوام متحدہ کے اجلاس سے خطاب کو یو این آفیشل یوٹیوب چینل پر ایک لاکھ 37 ہزار لوگوں نے دیکھا ۔ دنیا بھر کے قائدین کا جنرل اسمبلی سے خطاب یو این آفیشل یوٹیوب چینل پر براہ راست نشر کیا گیا تھا۔ الجزیرہ کی ٹک ٹاک اکاؤنٹ پر بھی وزیراعظم شہباز شریف کا خطاب 16 لاکھ لوگوں نے دیکھا۔