ملائیشین وزیراعظم وفد کے ہمراہ کل پاکستان پہنچیں گے

اسلام آباد(فاروق اقدس) ملائیشیا کے وزیراعظم داتو سری انور ابراہیم2 اکتوبر کو اپنے اولین دور ہ پاکستان پر اسلام آباد پہنچیں گےصدر وزیراعظم سمیت اہم ملاقاتیں، عشائیہ میں بھی شرکت دوطرفہ تعاون کو بڑھانے پر بات چیت ہو گی انہیں اس دورہ کی دعوت وزیراعظم شہبازشریف نے دی تھی پیر کو وزارت خارجہ کی جانب سے جاری ایک بیان میں کہا گیا ہے کہ ملائیشیا کے وزیراعظم داتو سری انور ابراہیم 2-4 اکتوبر کو اپنے پہلے سرکاری دورے پر اسلام آباد پہنچ رہے ہیں، ان کا یہ دورہ پاکستان اور ملائیشیا کے تعلقات کو مزید مستحکم کرنے کا ایک اہم موقع فراہم کرتا ہے۔ وزیر اعظم محمد شہباز شریف کی دعوت پر وزیر اعظم داتو سری انور ابراہیم کے ساتھ وزراء، نائب وزراء اور اعلیٰ حکام پر مشتمل ایک اعلیٰ سطحی وفد بھی آئے گا۔ پاکستان اور ملائیشیا کے درمیان تاریخ، ثقافت اور عقیدے میں جڑے مضبوط دوطرفہ تعلقات ہیں۔ وزیر اعظم محمد شہباز شریف سے وزیر داتو سری انور ابراہیم ملاقات کریں گے۔ "دونوں فریقین تجارت، رابطے، توانائی، زراعت، حلال صنعت، سیاحت، ثقافتی تبادلے اور عوام کے درمیان رابطوں سمیت متنوع شعبوں میں پاکستان اور ملائیشیا کے تعلقات کو مزید مضبوط بنانے کے وسیع ایجنڈے پر تبادلہ خیال کریں گے۔ ملائشین وزیر اعظم کے ہمراہ وزیر خارجہ داتوک سری محمد حسن، وزیر سرمایہ کاری، تجارت و صنعت، ٹینگکو داتوک سیری ظفرالعزیز، نائب وزیر ٹرانسپورٹ، داتوک حسبی حبیب اللہ اور وزیر اعظم کے محکمہ (مذہبی امور) کے نائب وزیر سینیٹر ڈاکٹر ذوالفقار حسن بھی ہوں گے۔ ملائیشیا کے دفتر خارجہ نے یہ بھی بتایا کہ دورے کے دوران دونوں فریقین کے درمیان دو دستاویزات پر دستخط اور تبادلہ ہوگا۔ پہلا ملائیشیا ایکسٹرنل ٹریڈ ڈویلپمنٹ کارپوریشن (MATRADE) اور ٹریڈ اتھارٹی آف پاکستان کے درمیان ایک MOU ہوگا۔ دوسرا ملائیشین کمیونیکیشن اینڈ ملٹی میڈیا کمیشن (MCMC) اور پاکستان ٹیلی کمیونیکیشن اتھارٹی (PTA) کے درمیان تعاون کا خط ہوگا۔