سپیکرایا زصادق کی اسرائیل کے فلسطین، یمن لبنان پر حملوں کی مذمت

اسلام آباد ( نمائندہ خصوصی)سپیکر قومی اسمبلی سردار ایاز صادق نے اسرائیل کے فلسطین، یمن لبنان پر حملوں کی شدید مذمت کرتے ہوئے اقوام متحدہ سے اس کا سخت نوٹس لینے کی اپیل کی ہے ۔ پیر کو اپنے مذمتی بیان میں انہوں نے اسرائیل کے ہاتھوں لبنان کے معصوم شہریوں کے قتل عام پر گہرے دکھ ، افسوس اورسوگوار خاندانوں سے دلی تعزیت اور ہمدردی کا اظہار کیا ۔سپیکر قومی اسمبلی نے بکہا کہ اسرائیل کے ہاتھوں فلسطین اور لبنان کے معصوم شہریوں کے قتل عام پر دل افسردہ ہے، پاکستان کے عوام کے دل فلسطین اور لبنان کے عوام کے ساتھ دھڑکتے ہیں ، مشکل کی اس گھڑی میں پاکستان کی پارلیمان اور عوام فلسطین اور لبنان کے عوام کے ساتھ مکمل یکجہتی کا اظہار کرتے ہیں۔