سپیکرایاز صادق کا اسحاق ڈارکے بھائی کے انتقال پر اظہار افسوس

اسلام آباد( نمائندہ خصوصی)سپیکر قومی اسمبلی سردار ایاز صادق نے ڈپٹی وزیر اعظم/وزیر خارجہ سینیٹر اسحاق ڈار کے بھائی خضر حیات ڈار کے انتقال پر گہرے دکھ اور افسوس کا اظہار کیا ہے ۔اسپیکر قومی اسمبلی نے ڈپٹی وزیراعظم/وزیر خارجہ سینیٹر اسحاق ڈار اور ان کے اہلخانہ سے دلی تعزیت اور ہمدردی کا اظہار کیا ۔ سپیکر قومی اسمبلی نے کہا کہ غم اور دکھ کی مشکل گھڑی میں ڈپٹی وزیراعظم و وزیر خارجہ سینیٹر اسحاق ڈار اور انکے اہلخانہ کے غم میں برابر کا شریک ہوں، اسپیکر قومی اسمبلی کی اللہ تعالیٰ سے مرحوم کے درجات کی بلندی اور لواحقین کیلئے صبر جمیل کی دعا۔