چوہدری شجاعت کا مخصوص نشست کیلئےچیف الیکشن کمشنر کو خط

اسلام آباد ( نمائندہ خصوصی ) پاکستان مسلم لیگ کے سربراہ اور سابق وزیر اعظم چوہدری شجاعت حسین نے مطالبہ کیا ہے کہ الیکشن کمیشن ہمیں خواتین کی ایک مخصوص نشست مزید الاٹ کرے، دوسری مخصوص نشست کیلئے چوہدری شجاعت حسین نے چیف الیکشن کمشنر کو خط لکھ دیا پارٹی ترجمان مصطفیٰ ملک چوہدری شجاعت حسین کا خط چیف الیکشن کمشنر کو پہنچائیں گےجس میں شجاعت حسین نے کہاکہ مسلم لیگ نے جنرل الیکشن میں چار جنرل نشستیں حاصل کیں، ایک مخصوص نشست ملی اور ووٹوں کے تناسب و الیکشن کمیشن کے فارمولے کے تحت دوسری نشست کی حقدار ہے الیکشن کمیشن مخصوص نشستوں کے حوالے سے فیصلہ سے قبل ہماری چھٹی نشست مختص کرے،جن جماعتوں نے بطور سیاسی جماعت انتخابات میں حصہ ہی نہیں لیا انکو مخصوص نشستیں کیسے ملیں گی، پنجاب اسمبلی میں ہم نے8 سیٹیں جیتیں دو خواتیں کی مخصوص نشستیں ملیں بعد میں الیکشن کمیشن نے ہمیں تیسری نشست الاٹ کرکے واپس لے لی، بعض جماعتوں کو تین پر نشست الاٹ ہوئی دوسری مخصوص نشست ہمارا آئینی حق ہے جو ہمیں دیا جائے ۔