ایپٹماکےنئےچیئرمین کامران ارشد نے منصب سنبھال لیا

اسلام آباد (خالد مصطفیٰ) آل پاکستان ٹیکسٹائل ملز ایسو سی ایشن (ایپٹما) کے65ویں عام اجلاس میں کامران ارشد نے سال 2024-26ء کے لیے چیئرمین کا منصب سنبھال لیا ہے ۔ ان کے ساتھ دیگر نئے عہد یداروں میں محمد جمیل قاسم سینئر وائس چیئرمین اور صدیق جاوید بھٹی وائس چیئرمین ہیں ۔ جبکہ شہزاد احمد شیخ وائس چیئرمین کی حیثیت سے ویلیو ایڈڈ شعبے کے نگراں ہوں گے ۔ یہ بات لاہور سے جاری پر یس ریلیز میں بتائی گئی۔ سبکدوش ہونے والے چیئرمین ایپٹما آصف انعام نے نو منتخب عہدیداروں کو ذمہ دار یاں سنبھالنے پر مبارکباد دی ۔ انہوں نے ٹیکسٹائل شعبے کی جانب سے بے مثال لچک کے ذریعہ صنعتی عمل کو جاری رکھنے پر خراج تحسین پیش کیا ۔ ایپٹما کے سر پر ست اعلیٰ ڈاکٹر گوہر اعجاز نے نئی قیادت کا خیر مقدم کیا ا پنے خطاب میں انہوں نے ملکی اقصادیات میں ٹیکسٹائل صنعت کے کردار کو سراہا ۔ انہوں نے سبکد وش قیادت کی انتک کاوشوں کی بھی تعریف کی جن کی رکاوٹوں کے باوجود کو ششیں مثالی ہیں ۔ نئے چیئرمین کامران اشرف نے اپنا منصب سنبھالنے کے موقع پر خطاب میں کہا کہ ٹیکسٹائل کو درپیش چیلنجز نمایاں ہیں لیکن پیداواری صلاحیت اس سے کہیں زیادہ ہے ۔ نئی منتخب ٹیم نئی حکمت عملیوں پر توجہ مرکوز رکھے گی ۔ تا کہ مقابلہ جاتی رحجان کو فروغ دیا جا سکے ۔ اور ٹیکسٹائل صنعت کے لیے نئی منڈیاں تلاش کی جا سکیں ۔ ایپٹما کا مقصد محض اپنی بقاء نہیں بلکہ چیلنجوں کو موقع میں تبدیل کرنے پر ہے ۔