2023-24میں اقتصادی شرح نمو 2.52فیصد ،معیشت بہترہوئی

اسلام آباد( تنویر ہاشمی ) پاکستان کی مالی سال 2023-24میں ا قتصادی شرح نمو 2.52فیصد اور2022-23میں منفی 0.22فیصد رہی ، نیشنل اکائونٹس کمیٹی نے 2023-24اور 2022-23 کے حتمی اعداد وشمار کی منظوری دیدی ، نیشنل اکائونٹس کمیٹی کا 110واں اجلاس پاکستان بیورو آف شماریات میں سیکرٹری منصوبہ بندی کی زیر صدارت ہوا، مالی سال 2023-24کی چاروں سہ ماہی کےحتمی اعداد وشمار میں تبدیلی ہوئی ہےجس کے مطابق پہلی سہ ماہی میں جی ڈی 2.69فیصد رہی ، دوسری سہ ماہی میں جی ڈی پی 1.97فیصد او ر تیسری سہ ماہی میں 2.36فیصد جبکہ چوتھی سہ ماہی میں 3.04فیصد رہی ، کمیٹی کے مطابق مالی سال 2023-24کی 2.52فیصد میں سے زراعت کی شرح نمو 6.36فیصد رہی جو مالی سال 2022-23میں 2.22فیصد ، صنعتی شرح نمو منفی 1.15فیصد رہی جو مالی سال 2022-23میں منفی 3.70فیصد تھی ، خدمات کے شعبے کی شرح نمو مالی سال 2023-24میں 2.15فیصد رہی جو مالی سال 2022-23میں منفی 0.02فیصد تھی ، منظور شدہ اعداد وشمار کے مطابق مالی سال 2022-23میں زرعی شعبے کی جی ڈی پی گروتھ 6.36فیصد میں فصلوں کی شرح نمو 10.28فیصد ، مویشیوں کی شرح نمو 4.47فیصد ، جنگلات کی شرح نمو 3.05فیصد اورماہی گیری کے شعبے کی شرح نمو 0.81فیصد رہی ، اہم فصلوں کی شرح نمو 17.02فیصد ، دیگر فصلوں کی شرح نمو منفی 1.20فیصد ، کاٹن جننگ کی شرح نمو 47.23فیصد رہی ، صنعتی شعبے کی مجموعی شرح نمو منفی 1.15فیصد میں سے کان کنی کے شعبے میں 3.47فیصد ، مینوفیکچرنگ کی شرح نمو 3.13فیصد ،بڑی صنعتوں کی شرح نمو 1.08فیصد ، چھوٹی صنعتوں کی 9.06فیصد ، بجلی ، گیس اور پانی کی سپلائی شعبے کی شرح نمو منفی 23.05فیصد رہی ، تعمیراتی شعبے کی شرح نمو منفی 1.47فیصد رہی ، خدمات کے شعبے میں شرح نمو 2.15فیصد میں سے ہول سیل ، ریٹیل ٹریڈ 3.39فیصد ، ٹرانسپورٹیشن 1.91فیصد ، ہوٹل اور ریسٹورینٹ 4.10فیصد ، رئیل سٹیٹ سرگرمیاں 3.74فیصد ، مالیاتی و انشورنس منفی 10.67فیصد ، پبلک ایڈمنسٹریشن و سوشل سکیورٹی منفی 7.26فیصد ، تعلیمی شعبے میں 8.55فیصد ، انسانی صحت و سوشل ورک سرگرمیاں 5.55فیصد اور دیگر نجی شعبے کی سرگرمیوں کی شرح نمو 3.61فیصد رہی ، نیشنل اکائونٹس کمیٹی کےا عداد وشمار کے مطابق 2022-23 کے مقابلے میں مالی سال 2023-24میں معیشت میں بہت بہتری آئی ، مالی سال 2022-23میں زراعت کی شرح نمو 2.22فیصد ، صنعت کی منفی 3.70فیصد اور خدمات کے شعبے کی شرح نمو منفی 0.02فیصد تھی ۔