عمر ایوب خان کا حسن نصراللہ کی شہادت پر اظہار افسوس

اسلام آباد (خبر نگار) پاکستان تحریک انصاف کے رہنما اور قائد حزب اختلاف قومی اسمبلی عمر ایوب خان نے حزب اللہ کے سیکرٹری جنرل سید حسن نصراللہ کی شہادت پر دلی افسوس اور دکھ کا اظہارکرتے ہوئے اسرائیلی حملوں کی شدید الفاظ میں مذمت کی ہے۔ ایک بیان میں انہوں نے کہا کہ حسن نصراللہ دشمن کے سامنے غزہ کے معصوم عوام کی توانا آواز اور مضبوط ترین ڈھال تھے۔ اسرائیل کے غزہ کے بعد لبنان کی شہری آبادی پر بم حملوں کی شدید الفاظ میں مذمت کرتے ہیں۔ شہید سید حسن نصراللہ اپنے پاکیزہ مقصد میں کامیاب ہو گئے اور وہ ظلم و ناانصافی کیخلاف پوری سچائی اور استقامت کے ساتھ کھڑے رہے۔