سلیم مانڈوی والا سمیت 7 ملزمان کڈنی ہلز ریفرنس سے بری

اسلام آباد (خبر نگار) احتساب عدالت اسلام آباد کے جج ناصرجاوید رانا نے نیب کی درخواست منظور کرتے ہوئے سابق ڈپٹی چیئرمین سینیٹ سلیم مانڈوی والا سمیت 7 ملزمان کو کڈنی ہلز ریفرنس میں بری کر دیا۔ ریفرنس میں سلیم مانڈوی والا ، ندیم مانڈوی والا ، اعجاز ہارون ، ندیم حکیم مانڈوی والا ، عبدالقادر شیوانی ، عبدالقیوم ، خواجہ عبدالغنی مجید اور مبینہ بے نامی طارق محمود بھی ملزم نامزد کیا گیاتھا نیب کی جانب سے درخواست میں موقف اختیار کیا گیا کہ 4 ستمبر کے نیب ایگزیکٹیو بورڈ میٹنگ میں دستیاب شواہد کا جائزہ لیا گیا۔ چیئرمین نیب پراسیکوٹر جنرل کیساتھ مشاورت کے بعداس نتیجے پر پہنچے کہ یہ ریفرنس نہیں بنتا تھا ، ملزمان کیخلاف جنوری 2021 میں ریفرنس دائر کیا گیا تھا۔