مذہبی ہم آہنگی اورامن کو فروغ دینے کیلئے ملکر کام کرنا چا ہئے، چوہدری سالک

اسلام آ باد ( نیوز رپورٹر)وفاقی وزیر مذہبی امور و بین المذاہب ہم آہنگی چوہدری سالک حسین نے کہا کہ پاکستان اور عمان کو بین المذاہب اور بین الثقافتی مکالمے کے ذریعے دنیا میں مذہبی ہم آہنگی، امن اور برداشت کو فروغ دینے کے لیے مل کر کام کرنا چا ہئے۔ آج مسلم ممالک جن چیلنجزاور حالات سے گزررہے ہیں اس میں ضرورت ہے کہ مذہبی ہم آہنگی و رواداری اور وحدت کو فروغ دیا جائے، دنیا میں قیام امن کیلئے مذاہب اور تہذیبوں کے درمیان مکالمے کی اشد ضرورت ہے،وفاقی وزیر چوہدری سالک حسین نے یہ بات تین روزہ دورہ عمان کے دوران عمان کیوزیر اوقاف و مذہبی امور محمد بن سعید بن خلفان المامری کے ساتھ ایک ملاقات میں کہی، در یں اثنا اومان کے مفتی اعظم کے معاون خصوصی شیخ ڈاکٹر کہلان الخلوسی سے ملاقات میں وفاقی وزیر چوہدری سالک نے کہا کہ قیام امن، تعلیم،مذہبی ہم آہنگی کے فروغ اور اسلاموفوبیا کے خاتمے کےلئے پاکستان اور اومان کو ملکر کام کرنا ہوگا۔ ملاقات میں اومان میں پاکستان کے سفیر عمران علی چوہدری بھی شامل تھے۔وفاقی وزیر مذہبی امور و بین المذاہب ہم آہنگی چوہدری سالک حسین نے تین روزہ دورہ اومان کے دوران اومان کی سیاسی اور مذہبی قیادت سے ملاقاتیں کیں۔