عمران کوجیل سے نکالنا ہے تو پُرامن احتجاج جاری رکھنا ہوگا، علیمہ خان

راولپنڈی (سٹاف رپورٹر) علیمہ خان نے کہا ہے کہ عمران خان کو اگر جیل سے نکالنا ہے تو پُرامن احتجاج جاری رکھنا ہوگا ورنہ یہ لوگ عمران خان کو فوجی جیل میں بھی ڈال سکتے ہیں، اڈیالہ جیل کے باہر میڈیا سے گفتگو کرتے ہوئے بانی پی ٹی آئی کی ہمشیرہ نے کہا کہ جج شاہ رخ ارجمند نے بانی پی ٹی آئی اور بشریٰ بی بی کی درخواست ضمانت خارج کر دی اسی جج نے عدت کیس کو تین مہینے تک چلایااب اس کیس کو بھی گھسیٹ لیا ہم ہائیکورٹ جائینگے، بانی پی ٹی آئی کی سالگرہ کے موقع پر لاہور میں احتجاج ہو گا،انہوں نےکہا پنڈی کے لوگ اپنی اور عدلیہ کی آزادی کیلئے نکلے تھے ہم بھی ان کیساتھ شامل تھے، اب جو احتجاج ہوگا وہ نہیں رکے گا،ہمارا احتجاج جاری رہے گایہ عوام کا آئینی حق ہےکوئی بھی لوگوں کا آئینی حق چھین سکتاہے نہ روک سکتا ہے ،اسلام آباد کا احتجاج فائنل راؤنڈ ہوگا ، اسکی تاریخ جلد انتظامیہ کو دینگے۔