چوہدری پرویز الٰہی ودیگر کا نام پی سی ایل سے نکال دیا گیا

لاہور(صباح نیوز)سابق وزیرِ اعلیٰ پنجاب چوہدری پرویز الہٰی، زارا لہٰی اور راسخ الہٰی کا نام پاسپورٹ کنٹرول لسٹ (پی سی ایل)سے نکال دیا گیا۔جمعرات کو لاہور ہائی کورٹ کے جج جسٹس شمس محمود مرزا نے چوہدری پرویز الہٰی اور دیگر کا نام پاسپورٹ پی سی ایل سے نکالنے کے کیس کی سماعت کی۔سماعت کے دوران ایف آئی اے نے اپنی رپورٹ میں بتایا کہ چوہدری پرویز الہٰی ، زارا الہٰی اور راسخ الہٰی کا نام پی سی ایل سے نکال دیا ہے جس کے بعد عدالت نے ایف آئی اے رپورٹ کی روشنی میں درخواست نمٹا دی۔