آزادی مارچ کیس ؛ عمران کی ویڈیو لنک پرحاضریا ں لگوانے پر جیل حکام کو شوکاز جاری

اسلام آباد (خبر نگار) انسداد دہشت گردی عدالت اسلام آباد کے جج طاہر عباس سپرا نے آزادی مارچ کے حوالے سے درج مقدمہ میں بانی پی ٹی آئی کی ویڈیو لنک پر حاضری نہ لگوانے پر جیل حکام کو شو کاز نوٹس جاری کر دیا۔ عدالت نے کہا کہ آرڈر میں لکھوں گا کہ انٹرنیٹ نہیں تو ملزم کو ذاتی حیثیت میں پیش کریں۔ دوران سماعت ملزمان تنویر حسین، علی نواز اعوان کی جانب سے حاضری سے استثنیٰ کی درخواست دائر کی گئی جبکہ راجہ خرم شہزاد نواز، عامر محمود کیانی، جمشید مغل عدالت میں پیش ہوئے۔