اراکین اسمبلی عادل بازئی اور الیاس چوہدری کیخلاف سپیکر کو ریفرنس موصول

اسلام آباد ( طاہر خلیل )اسپیکر قومی اسمبلی کو ممبران قومی اسمبلی عادل بازائی اور الیاس محمد چوہدری کے خلاف ریفرنسز موصو ل ہو گئے ، عادل خان بازائی کے خلاف ریفرنس پاکستان مسلم لیگ ن جب کہ الیاس محمد چوہدری کے خلاف ریفرنس پاکستان مسلم لیگ ق کی طرف سے دائر کیا گیا ریفرنسز میں کہا گیا ہے کہ ممبران نے بجٹ سیشن کے دوران پارٹی ڈائریکشنز کی خلاف ورزی کی گئی، ریفرنسز میں ممبران کے خلاف فوری کاروائی کی استدعاکی گئی ہے۔اراکین قومی اسمبلی الیاس چوہدری اور عادل خان بازئی کا موقف جاننے کیلئے اس نمائندے نے رابطہ کیا لیکن ان کے فون نمبرز بند تھے ،سپیکر مزید کارروائی کیلئے ریفرنسز الیکشن کمیشن کو بھیجیں گے۔