فوج اور حکومت مل کر عوامی مسائل حل کررہے ہیں، احسن اقبال

اسلام آباد( ایوب ناصر ، تنویر ہاشمی )وفاقی وزیر منصوبہ بندی احسن اقبال نے کہا ہےکہ سیاسی اور عسکری قیات کا تمام معاملات میں باہمی اعتماد ہے،فوج اور سیاسی قیادت آگے کی جانب دیکھ رہے ہیں نہ حکومت کو فوج سے خطرہ ہےاور نہ فوج کو حکومت سے کوئی خطرہ ہے، فوج اور حکومت مل کر عوامی مسائل حل کررہے ہیں، ترقی تب ہی ہوگی جب ادارے ایک ہی جانب دیکھیں گے ، عدالت اور فوج ریاست کے ستون ہیں ، وزیراعظم جلد معاشی ایجنڈا پیش کریں گے، آئینی ترمیم کے معاملے کو جمہوری انداز میں آگے بڑھا رہے ہیں ، آئینی ترمیم کے معاملے پر ہارس ٹریڈنگ نہیں ہو گی ، ایس آئی ایف سی ( خصوصی سرمایہ کاری سہولت کونسل ) کیلئے آئندہ تین سے پانچ برسوں میں ملک میں 27ارب ڈالر کی سرمایہ کاری آئے گی، سعودی عرب کےو زیر سرمایہ کاری کی قیادت میں جلد ایک بڑا وفد پاکستان کا دورہ کرے گا۔