رینجرز، آرمی کو طلب کرلیا، اسلام آباد پر دھاوا بولنے کی اجازت نہیں دینگے، وزیر داخلہ

اسلام آباد (جنگ نیوز/ایجنسیاں)وفاقی وزیر داخلہ محسن نقوی نے کہا ہےکہ کسی صورت بھی اسلام آباد پر دھاوا بولنے کی اجازت نہیں دی جائے گی، اگرآج کوئی اسلام آباد آئےگا تو پھر م سے شکوہ نہ کرے‘اس کے ساتھ کوئی نرمی یا رعایت نہیں برتی جائے گی‘پولیس نے پوری تیاری کر رکھی ہے‘ پیراملٹری فورسز ، رینجرز ، آرمی کو طلب کرلیا ہے، تحریک انصاف کی قیادت کو احتجاج کی کال پر نظرثانی کرنی چاہیے‘آج تک کا وقت ہے‘انہیں سوچنا چاہیے۔جمعرات کو وزارت داخلہ میں پریس کانفرنس کرتے ہوئے محسن نقوی کا کہنا تھاکہ ملائیشیا کے وزیراعظم کل تک پاکستان میں ہیں ، سعودی عرب کا اعلی سطح وفد اور پھر چینی صدر پاکستان آرہے ہیں اس کے بعد ایس سی او کانفرنس ہونی ہے‘پی ٹی آئی کو کہتے ہیں کہ احتجاج ہر کسی کا حق ہے لیکن ملک کی بدنامی کی قیمت پر کسی کو سیاست نہیں کرنے دیں گے ۔