ژوب میں پولیو وائرس کا ایک اور کیس

کوئٹہ ( نمائندہ جنگ)ژوب میں پولیو وائرس کا ایک اور کیس سامنے آ گیا رواں سال بلوچستان میں پولیو متاثرین کی تعداد 16ہو گئی وزیراعلیٰ بلوچستان نے پولیو کیس کا نوٹس لیتے ہوئے محکمہ صحت سے رپورٹ طلب کرلی ہے محکمہ صحت ذرائع کے مطابق ژوب میں ایک بچی میں پولیو وائرس کی تصدیق ہو ئی ہے ڑوب میں سیوریج کے پانی کے نمونوں میں پولیو وائرس کی موجودگی کی تصدیق ہوئی تھی .رواں سال ضلع ژوب سے یہ پولیو وائرس کا دوسرا کیس ہے اس سے قبل جولائی میں بھی ایک بچے میں پولیو وائرس کی تصدیق ہوئی تھی۔ جبکہ بلوچستان میں رواں سال پولیووائرس سے متاثرین کی تعداد 16ہو گئی ہے۔