لبنان، غزہ میں پناہ گزین کیمپوں، طبی مراکز پر اسرائیلی بمباری، درجنوں شہید

بیروت ، کراچی (اے ایف پی، نیوز ڈیسک)لبنان اور غزہ میں پناہ گزین کیمپوں، طبی مراکز پر اسرائیلی بمباری، درجنوں شہید ، غزہ میں 100فلسطینی ، لبنان میں 28طبی کارکن شہید، حزب اللہ کا 17اصیہونی فوجیوں کو ہلاک کرنےکا دعویٰ ۔لبنان اور غزہ میں اسرائیلی طیاروں نے تباہی مچادی ، درجنوں فلسطینی شہید اور سیکڑوں زخمی ہوگئے، اسرائیلی طیاروں نے غزہ میں تین دنوں میں تیسری بار اسکولوں کو نشانہ بنادیا جہاں اقوام متحدہ کے زیر اہتمام پناہ گزین کیمپ قائم تھے، غزہ میں 24گھنٹوں میں 100سے زائد فلسطینی شہید ہوگئے، لبنان میں بھی اسرائیلی طیاروں نے رہائشی عمارتوں اور طبی مراکز پر بمباری کی ہے جس میں 28 طبی کارکن شہید ہوگئے ہیں ،لبنانی فوج کےمطابق جمعرات کے روزاسرائیلی بمباری میں ان کے دو فوجیوں کی شہادت کے بعد فوج نے بھی اسرائیل پر جوابی حملے کئے ہیں۔