نظریاتی اختلاف ایک طرف، مسئلہ فلسطین پر جماعت اسلامی کیساتھ کھڑے ہیں، بلاول بھٹو

لاہور(نمائندہ خصوصی) امیر جماعت اسلامی حافظ نعیم الرحمٰن نے نائب امراء لیاقت بلوچ، میاں اسلم، سیکرٹری جنرل امیرالعظیم اور دیگر رہنماؤں کے ہمراہ اسلام آباد میں چیئرمین پیپلز پارٹی بلاول بھٹو زرادی سے ملاقات کی۔ دونوں نے غزہ میں جاری مظالم کی مذمت کی اور اتقاق کیا کہ تمام سیاسی پارٹیوں کو اہل فلسطین کے حق میں مشترکہ پلیٹ فارم سے آواز بلند کرنی چاہیے، بلاول بھٹو نے کہا کہ تمام سیاسی و نظریاتی اختلافات کے باوجود وہ جماعت اسلامی کے فلسطین و کشمیر پر موقف کی بھرپور تائید کرتے ہیں، حافظ نعیم نے پیپلز پارٹی اور ذوالفقار علی بھٹو کے مسئلہ فلسطین پر دیرینہ موقف کی تحسین کی۔امیر جماعت اسلامی کی بلاول بھٹو اور شاہد خاقان عباسی سے ملاقات ،محمود اچکزئی کو ٹیلی فون ، غزہ ملین مارچ میں شرکت کی دعوت دی ، بعدازاں امیر جماعت اسلامی نے سابق وزیراعظم شاہد خاقان عباسی سے ملاقات کی ، دونوں نے کہا کہ تمام سیاسی و مذہبی جماعتوں کو یک زبان ہوکر فلسطینیوں کیلئے آواز اٹھانی چاہیے اور حکمرانوں کو مجبور کرنا چاہیے کہ وہ مظلوموں کو صہیونی مظالم سے نجات دلانے کی خاطر عملی اقدامات کریں، حافظ نعیم نے تحریک تحفظ آئین پاکستان کے سربراہ محمود خان اچکزئی سے بھی ٹیلی فونک رابطہ کیا اور انھیں غزہ ملین مارچ میں شرکت کی دعوت دی۔