سعودی آرامکو کا 3 ارب ڈالر کے بین الاقوامی سکوک کے اجراء کی تکمیل کا اعلان

ریاض (شاہد نعیم/اے پی پی)سعودی آرامکو کمپنی نے جمعرات کو 3 بلین ڈالر کے بین الاقوامی سکوک کے اجراء کی تکمیل کا اعلان کیاہے۔ عرب نیوز کے مطابق ان میں سے نصف 1.5بلین ڈالر کے سکوک 2029 میں میچور ہوں گے جن پر سالانہ شرح منافع ، 4.25فیصد اور نصف 1.5بلین ڈالر کے سکوک 2034میں میچور ہوں گے جن کی سالانہ شرح منافع ، 4.75فیصد ہے ۔ آرامکو کے ان سکوک کا اجرا امریکی سینٹرل بینک کی طرف سے منافع ریٹ پر ہوگا ۔ سعودی آرامکو کمپنی نے کہا ہے کہ سکوک خریدنے کے لیے ابھی تک 22 بلین ڈالر کی پیشکش ہوئی ہے جو پیش کئے جانے والے سکوک کی قیمت سے 7فیصد زیادہ ہے۔ اعلان شدہ شرائط کے مطابق سکوک بینکوں کے ذریعہ سرمایہ کاروں تک پہنچ سکتے ہیں۔