بنگلہ دیش نے بھارت سمیت 4ممالک سے ہائی کمشنر ، سفیر واپس بلالئے

ڈھاکہ (اے پی پی)بنگلہ دیش کی عبوری حکومت نے بھارت سمیت کئی ممالک سے اپنے ہائی کمشنر اور سفیروں کو واپس بلا لیا ۔کشمیر میڈیا سروس کے مطابق بھارت میں بنگلہ دیش کے ہائی کمشنر مستفیض الرحمٰن کے علاوہ جن کو واپس بلایا گیا ہے ان میں اقوام متحدہ میں مستقل نمائندے اور آسٹریلیا، بلجیم اور پرتگال میں تعینات سفیر شامل ہیں، جن سفیروں کو واپس بلایا گیا ہے وہ آئندہ مہینوں میں ریٹائر ہونے والے تھے۔ یاد رہے کہ شیخ حسینہ کی سبکدوشی کے بعد بھارت اور بنگلہ کے تعلقات سرد مہری کا شکار ہیں۔