عمران کو لاشیں چاہئیں، لوگوں کو مروانے کی منصوبہ بندی ہوچکی، واؤڈا

اسلام آباد( خصوصی نامہ نگار)سینیٹر فیصل واوڈانے کہا ہےکہ بانی پی ٹی آئی اپنے اقتدار کیلئے لاشیں گرانا چاہتے ہیں، لوگوں کو مروانے کی منصوبہ بندی ہوچکی ،یہ چاہتے ہیں معصوم پاکستانیوں کا خون بہے، ان کو پریشانی ہے کہ ملک سیدھی پٹری پر چل رہا ہے ، پٹرول سستا ہو رہا ہے ، بانی پی ٹی آئی پہلے خود کو ذہنی غلامی سے تو آزاد کریں اورآزادی کی جدوجہد کے لیے پہلے اپنے بیٹوں کو واپس بلائیں،بانی پی ٹی آئی اپنی سیاست کے تابوت میں آخری کیل ٹھونک رہے ہیں، گنڈا پور ایک پیادہ ہے مگر اس کی زندگی بھی اہم ہے، اس کے پیچھے ایک کہانی چل رہی ہے۔