ملائشیا کے وزیراعظم کو نشان پاکستان کے اعزاز سے نوازا گیا

اسلام آباد(طاہر خلیل )صدر مملکت آصف علی زرداری کی جانب سے ملائیشیا کے وزیراعظم انور ابراہیم کو نشانِ پاکستان کے اعزاز سے نواز دیا گیا ۔ملائیشین وزیراعظم کو نشان پاکستان کا اعزاز دینے کی تقریب جمعرات کو اسلام آباد میں ایوان صدر میں منعقد کی گئی۔صدر مملکت کے علاوہ وزیراعظم شہباز شریف نے تقریب میں شرکت کی اور اعزاز دئے جانے کے بعد انور ابراہیم سے مصافحہ بھی کیا۔تقریب میں آرمی چیف جنرل عاصم منیر، وفاقی وزیر احسن اقبال، چئیرمین پیپلز پارٹی بلاول بھٹو اور نائب وزیراعظم اسحاق ڈار بھی شریک تھے۔