ٹیکس نہیں وسائل بڑھا کر عوامی مسائل حل کرینگے ، مریم نواز

لاہور(خصوصی نمائندہ) وزیر اعلیٰ پنجاب مریم نواز شریف نے کہا ہے کہ عوام کے لئے بہت کچھ کرنا چاہتی ہوں مگر مالی وسائل بہت زیاد ہ نہیں ہیں -ریونیو وصولی کے ٹارگٹ ہر صورت پورے کئے جائیں،وزیراعلیٰ نے پاکستان کے پہلے سرکاری آٹزم سکول کا سنگ بنیاد رکھ دیا ، تعمیر ایک سال میں مکمل کر دی جائے گی،آٹزم ماہرین کی فوری ہائرنگ اور ان کی مشاورت سے پراجیکٹ تیار کرنیکا حکم دے دیا گیا -وزیر اعلیٰ نے سکول کے ماڈل کا معائنہ کیا ، پہلا سکول گراؤنڈ فلور اور فرسٹ فلور پر مشتمل ہوگا، جونیئر سیکشن کے لیے 11 کلاس رومز اور سینئر سیکشن کے لئے10کلاس روم بنائے جائیں گے ، وزیراعلی ٰنے کہا پراجیکٹ میرے دل کے بہت قریب ہے-آٹزم کے شکار بچے ہمدردی اور محبت کے مستحق ہیں ،ایک اجلاس میں وزیراعلیٰ نے مختلف محکمو ں کی ملکیتی اراضی کا ریکارڈ طلب اور سرکاری اراضی کے بہترین استعمال کے لئے پلان مرتب کرنے کی ہدایت کی،اجلاس میں پنجاب ریونیو اتھارٹی کی صوبے کے مختلف اضلاع تک توسیع کی منظوری دی گئی- پنجاب ریونیو اتھارٹی کے امور میں اے ڈی سی ڈی اور اسسٹنٹ کمشنرز کو با اختیار کرنے کا اصولی فیصلہ کیا گیا- وزیراعلی نے صوبے کے مالی وسائل بڑھانے اور ریسٹورنٹس، بیکریوں اور میرج ہالز کا مستند ڈیٹا مرتب کرنے کی ہدایت کرتے ہوئے کہا عوام پر ٹیکس بڑھائے بغیر ریو نیو کی وصولی میں اضافہ کیاجائے گا-