علی امین گنڈہ پور رات ایک بجے بھی موٹر وے کے برھان انٹرچینج سے آگے نہ بڑھ سکے

اسلام آباد ( ایوب ناصر ، خصوصی نامہ نگار) ڈی چوکاسلام آباد پہنچنے کے لیے وزیر اعلیٰ علی امین گنڈاپور رات ایک بجے بھی موٹر وے کے برھان انٹرچینج سے آگے نہ بڑھ سکے،انہوں نے میڈیا سے گفتگو کرتے ہوئے الزام لگایا کہ پنجاب پولیس ان کے قافلے پر چار گھنٹے سے مسلسل شیلنگ کر رہی ہے ، غیر سرکاری حلقوں نے وزیر اعلی کے قافلے کی پشاور سے روانگی سے قبل ہی کہنا شروع کر دیا گیا تھا کہ گنڈاپور پوری رات برھان انٹرچینج پر رکیں گے اور پھر واپس جا کر کہیں گے کہ پنجاب پولیس نے انہیں آگے نہیں جانے دیا ،کیپٹل پولیس نے وزیر اعلی کے قافلے کے استقبال کے لئے وفاقی دارالحکومت میں بھی اہم رکاوٹیں کھڑی کر رکھی ہیں ،وزیر داخلہ محسن نقوی بھی ان کے استقبال کے لئے اسلام آباد میں موجود ہیں۔