پارلیمنٹ آئین سازی کا حق چاہتی ہےتو ترامیم کرنا ہونگی،مصدق ملک

کراچی (ٹی وی رپورٹر) جیوکے پروگرام ’’آج شاہ زیب خانزادہ کے ساتھ‘‘ میں میزبان محمد جنید سے گفتگو کرتے ہوئے رہنما ن لیگ وفاقی وزیر سینیٹر مصدق ملک نے کہا ہے کہ اگر پارلیمان یہ چاہتی ہے کہ آئین سازی کا حق اس کے پاس ہو عدالت کے پاس نہ ہو تو پھر تو قانون میں ترامیم کرنا ہوں گی ۔وزیراعلیٰ کے پی کے مشیر اطلاعات بیرسٹر محمد علی سیف نے کہا کہ ڈی چوک کسی دوسرے ملک میں نہیں پاکستان کے شہر اسلام آباد میں ہے اور یہاں احتجاج ہمارا حق ہے ،سینئر صحافی اور تجزیہ کار منیب فاروق نے کہاکہ واضح طور پر لگ تو یہ رہا ہے کہ اگلے چیف جسٹس آف پاکستان جسٹس منصور علی شاہ ہی ہوں گے، آرٹیکل 63A کا جو فیصلہ 2022ء میں کیا گیا اس میں بالکل قانونی سقم موجود تھے اور اس فیصلے میں آئین سے کھلم کھلا انحراف کیا گیا غلط فیصلہ دیا گیا۔