جنوبی وزیرستان میں کھیلوں کی صحت مندانہ سرگرمیوں کے فروغ کیلئے بڑے میلے کا انعقاد

ڈیرہ اسماعیل خان (صباح نیوز) ضلع جنوبی وزیرستان میں کھیلوں کی صحت مندانہ سرگرمیوں کے فروغ کیلئے بڑے میلے کا انعقاد کیا گیا ہے، جس میں تین بڑے کھیل کرکٹ ، والی بال اور فٹ بال کے مقابلے منعقد ہو رہے ہیں جس میں علاقے کی نامور ٹیمیں بھرپور حصہ لے رہی ہیں ، یہ اپنی نوعیت کا وزیرستان کی تاریخ کا بہت بڑا فیسٹیول ہے ،جس میں ثقافتی اتنڑ، سرکس ، جھولے وغیرہ بھی لگائے گئے ہیں ،مقابلوں کا مقصد نوجوانوں کو تعلیمی سرگرمیوں کے ساتھ ساتھ کھیلوں کی طرف رجحان دلانا ہے تاکہ نوجوانوں میں نیا جوش ولولہ پیدا ہو۔