آئرلینڈ نے اسرائیلی درخواست مسترد کردی

ڈبلن(این این آئی)آئرلینڈ کی جانب سے لبنانی بارڈرسے امن دستے واپس بلوانے کی اسرائیلی درخواست کو مسترد کردیا گیا ہے۔آئرش میڈیا کا اس حوالے سے کہنا تھا کہ اسرائیلی فوج نے لبنان میں تعینات آئرش امن دستے ہٹانے کی درخواست کی تھی، جسے مسترد کردیا گیا ہے۔عرب میڈیا کی رپورٹس کے مطابق آئرلینڈ کے امن دستے لبنانی سرحد پرواقع ایک چوکی پرتعینات ہیں، امن دستے اقوام متحدہ کے مشن کے تحت لبنانی سرحد پرتعینات کئے گئے ہیں۔اقوام متحدہ کے یونیفل امن مشن دستے میں 10 ہزار کے قریب فوجی شامل ہیں جو حزب اللہ اور اسرائیل کے درمیان جنگ بندی کی نگرانی کرتے ہیں، آئرش دستہ جس پوسٹ پر تعینات ہے وہاں سرحدی دراندازی کا مشاہدہ اور اسے رپورٹ کرنا اس کی ذمہ داریوں میں شامل ہے۔