فوڈ اتھارٹی کی ملاوٹ مافیا کے خلاف کارروائیاں،300 کلوناقص خوراک تلف

ملتان (سٹاف رپورٹر)پنجاب فوڈ اتھارٹی کی ملاوٹ مافیا کے خلاف کارروائیاں، 300 کلو گرام غیر معیاری خوراک تلف کردی گئی،گزشتہ روز ایک خصوصی ٹیم نے چاہ بوسن والا میں مربہ یونٹ جبکہ قاضی کالونی لوڈر رکشہ کی چیکنگ کی۔اس دوران لوڈر رکشہ سے بھاری مقدار میں بدبودار انڈوں کی زردی برآمد کی گئی۔مربہ یونٹ پر چھاپے کے دوران سینکڑوں کلو بدبودار سیبوں کا مکسچر برآمد کرکے تلف کیا گیا۔ خام مال اور مربہ جات کی سٹوریج کیلیے کیمیکل ڈرمز کا استعمال کیا جارہا تھا۔ انڈوں کی زردی سے غیر معیاری بیکری آئٹمز کی تیاری جبکہ مربہ جات کو ڈبوں میں پیک کرکے مارکیٹ سپلائی کیا جانا تھا۔ حفظان صحت کے قوانین کی خلاف ورزیوں پر مربہ یونٹ اور انڈوں کے سپلائر کو 65 ہزار روپے کے جرمانے عائد کیے گئے۔