ڈیوٹی سے انکار ،لودھراں پولیس کے 15ملازمین نوکری سے برخاست

لودھراں (رجب علی مرزا سے)اسلام آباد میں ڈیوٹی سے غیر حاضریپر لودھراں پولیس کے 15 ملازمین نوکری سے برخاست کردئیے گئے جبکہ 20 کوسخت سزائیں سنائے جانے کا امکان ہے ۔تفصیل کے مطابق اسلام آباد میں احتجاج سے نمٹنے اور لا اینڈ آرڈر کی صورتحال کے پیش نظر لودھراں سے 120 پولیس ملازمین کی اسلام آباد میں ڈیوٹی لگائی گئی۔ 35 پولیس ملازمین نے پولیس لائن سے رابطے کے بعد اپنےموبائل فون بند کرلیے اور ڈیوٹی سے غیر حاضر ہوگئے جس پر ڈی پی او کامران ممتاز نے پہلے اردل روم میں پیش ہونے والے 15پولیس ملازمین کو نوکری سے برخاست کردیا ۔