عظمیٰ بخاری ویڈیو کیس،ایکس کیساتھ معاہدے سے متعلق دلائل طلب

لاہور (کورٹ رپورٹر، خصوصی نمائندہ، شوبز رپورٹر) چیف جسٹس لاہور ہائیکورٹ عالیہ نیلم نے فیک ویڈیوز کیخلاف صوبائی وزیر اطلاعات عظمیٰ بخاری کی درخواست پر آئندہ سماعت پر ایکس (سابق ٹویٹر) کیساتھ معاہدے بارے دلائل طلب کرلیے،عدالت نے ریمارکس دیئے کہ ایکس کے کیسوں کو دیکھ کر بڑا بینچ بنانے پر غور کریں گے، عدالت نے سرکاری وکیل سے کہا کہ آپ کے متحرک ہونے پر کافی چیزیں سامنے آئی ہیں ، ایف آئی اے اسی طرح تحقیقات کرتا رہے ، ڈپٹی اٹارنی جنرل نے مئوقف اپنایا کہ اشتہاری ملزموں کے چالان جمع کروا دیئے ، 2 افسران کیخلاف کارروائی کی گئی ، فلک جاوید کا ملتان ڈی ایچ میں ایک کنال کا گھر قرق کیا ، صنم جاوید کا خاوند شکیل زونگ فرنچائز کا مالک ہے جو فلک جاوید کو چھپانے میں متحرک ہے، شکیل فلک جاوید کے نام کی سم استعمال کر رہا تھا۔