مظفر گڑھ،صحافی قتل کیس میںپیشرفت ،چار مرکزی ملزمان گرفتار

مظفرگڑھ(محمد عدنان مجتبیٰ) صحافی مہر اشفاق احمد سیال کے قتل کیس میں 5ماہ بعد بڑی پیشرفت ہوئی ہے۔پولیس نے 4مرکزی ملزمان کو گرفتار کرلیا۔گرفتار افراد میں صحافی کو باقاعدہ ٹارگٹ کرکے قتل کرنے والے قاتل اور سہولت کاری میں ملوث ملزمان بھی شامل ہیں۔ معاملے میں ایک سرکاری آفیسر کے ملوث ہونے یا نہ ہونے کے حوالے سے بھی تحقیقات جاری ہیں،شواہد ملنے اور قصوروار ہونے کی صورت میں مذکورہ سرکاری آفیسر کی گرفتاری کا بھی امکان ہے۔ واضح رہے کہ تھانہ سٹی کے علاقے تھرمل بائی پاس کے قریب 15 مئی کو مقامی صحافی مہر اشفاق احمد سیال کو فائرنگ کرکے قتل کردیا گیا تھا ۔