سینیٹ کمیٹی،پی ڈبلیو ڈی ملازمین ایڈجسٹمنٹ ،پریزنٹیشن طلب

اسلام آباد(راناغلام قادر) سینٹ کی قائمہ کمیٹی برائے ہا ئوسنگ و تعمیرات نے وزارت ہا ئوسنگ و تعمیرات سے بندکئے جانے والے محکمہ پاک پی ڈبلیو ڈی کے ملازمین کی مختلف سر کاری محکموں میں ایڈجسٹمنٹ یا انڈکشن کے بارے میں پر یزنٹیشن طلب کرلی ہے۔17اکتوبر کو خصوصی اجلاس طلب،پی ڈبلیو ڈی کے اثاثوں اور بجٹ ٹرانسفر کے بارے میں بتایا جا ئے ،قائمہ کمیٹی نے اس ایشو پر 17اکتوبر کو خصوصی اجلاس طلب کرلیا ہے۔ کمیٹی نے وزارت کو بھیجے گئے نوٹس میں استفسار کیا ہے کہ پی ڈبلیو ڈی ملازمین کے موجودہ سٹیٹس اور ان کی سی ڈی اے‘ سوئی سدرن گیس پائپ لا ئنز کمپنی‘ سوئی نادرن گیس پا ئپ لائنز کمپنی ‘اور بجلی کی تقسیم کار کمپنیوں ( DISCOS) یا جینکوز میں انڈکشن اور ایڈ جسٹمنٹ کے بارے میں بریف کیا جا ئے۔