ایس سی او کانفرنس، آج سے ریڈ زون میں عام لوگوں کاداخلہ ممنوع

اسلام آباد( رپورٹ حنیف خالد) شنگھائی تعاون تنظیم کی 23 ویں سربراہان حکومت اسمٹ کے اسلام آباد میں انعقاد کیلئے آج سے وفاقی دارالحکومت کے ریڈ زون میں عام لوگوں کا داخلہ ممنوعہ قرار دیا گیا ہے۔کنونشن سنٹر، پارلیمنٹ ہائوس سمیت تمام حساس سرکاری عمارتوں کو آرمی، رینجرز، ایف سی سکیورٹی میں دیدیا گیا ، اسمٹ کیلئے جناح کنونشن سنٹر پوری شاہراہ دستور پر واقعہ ڈپلومیٹک انکلیو، وزارت خارجہ، سپریم کورٹ، ہائیکورٹ، پارلیمنٹ ہائوس، پاک سیکرٹریٹ، ایف بی آر، نادرا، الیکشن کمیشن آف پاکستان، و فاقی محتسب، پی ٹی وی ہیڈکوارٹرز، پی ٹی وی سنٹر، آغا خان روڈ پر واقع فائیو سٹار ہوٹل، خیابان سہر وردی کے فائیو سٹار ہوٹل، کوہسار سیکرٹریٹ، پاکستان ایٹمی توانائی کمیشن ہیڈکوارٹر اور دوسری تمام حساس عمارات کو پاکستان آرمی، رینجرز، ایف سی کی تہہ در تہہ PIERS سول وعسکری انٹیلی جنس اداروں کی سکیورٹی میں دیدیا گیا ہے۔