پارلیمنٹ ممبرز نے مسودہ تک نہیں دیکھا، ترمیم کے حق میں ہاتھ کھڑے کردئیے، علی کرد

کراچی (این این آئی)سابق صدر سپریم کورٹ بار علی احمد کرد نے کہا ہے کہ پارلیمان کے ممبر نے ترمیم کا مسودہ تک نہیں دیکھا، ہاتھ پہلے سے کھڑے کیے ہوئے ہیں کہ ترمیم کے حق میں ہیں۔کراچی میں سپریم کورٹ بار کے سابق صدر علی احمد کرد نے ایک تقریب سے خطاب کیا۔انہوں نے کہا کہ لائی جانے والی ترامیم آئین کے چہرے پر داغ کی صورت ہوں گی۔ ہم آئینی ترمیم نہیں کرنے دیں گے، 2007کی وکلا تحریک صرف پاکستان نہیں، دنیا کی تاریخ میں سنہرا باب ہے۔سپریم کورٹ بار کے سابق صدرنے کہا کہ سندھ کی تاریخ کا دلدادہ ہوں، یہاں صوفیائے کرام اور بڑی بڑی شخصیات آئی ہیں۔