پاکستان کے پہلے وزیر اعظم لیاقت علی خان کا73واں یوم شہادت آج منایا جائیگا

16 اکتوبر ، 2024

فیصل آباد (صباح نیوز)پاکستان کے پہلے وزیر اعظم خان لیاقت علی خان کا73واں یوم شہادت 16اکتوبر کو منایا جائے گا خان لیاقت علی خان کو 16 اکتوبر 1951ءکو راولپنڈی کے کمپنی باغ (لیاقت باغ) میں شہید کر دیا گیا تھا۔نواب زادہ لیاقت علی خان کے یوم شہادت کے سلسلے میں فیصل آباد سمیت ملک بھر میںمسلم لیگ اور دیگر سیاسی جماعتوں اور تنظیموں کے زیر اہتمام سیمینارز،مذاکرے،کانفرنسز اور دیگر تقریبات کا اہتمام کیا جائے گا جس سے خطاب کرتے ہوئے سیاسی قائدین اور مقررین شہید ملت خان لیاقت علی خان کی تاریخ ساز خدمات کو خراج عقیدت پیش کریں گے ۔قومی و نجی ٹی وی چینلز سے دستاویزی پروگرام نشر ہوں گے جبکہ قومی اخبارات شہید ملت کی برسی کی مناسبت سے سپیشل ایڈیشن شائع کریں گے۔