کرتار پور،بھارتی اور پاکستانی پنجابی شعرا کا" سانجھی بیٹھک" مشاعر ہ

شکر گڑھ (نمائندہ جنگ) کرتار پور میں بھارتی اور پاکستانی پنجابی شعرا کے" سانجھی بیٹھک" مشاعرے کا انعقاد کیا گی چئیرمین پرسن گلوبل ہیومن فرنٹ بھارتی پنجاب جسپندر پال گریوال کی قیادت میں پنجابی شعرا کا وفد کرتار پور راہداری کے ذریعے دربار کرتار پور پہنچا اور کمپلیکس کے باہر سانجھی بیٹھک پنجاب دی کے مشاعرہ میں شرکت کی۔ مشاعرے میں شرکت کے لیے بھارت سے کرتارپور راہداری کے ذریعے نامور شاعرہ جسپندر پال گریوال،راج ویر گریوال ، ہرویندر سنگھ ، سمر جیت گریوال ،سریندر ڈھلوں ،سونو بہادر ،نریش کمار سمیت درجن بھر سے زائد شعرا کرتار پور پہنچے ،دربار میں ماتھا ٹیکا اور کمپلیکس کے باہر مشاعرے میں اپنا اپنا کلام سنا کر حاضرین سے خوب داد وصول کی مقامی پنجابی شعراء صابر ناز، بشیر کمال، اصغر بھٹی ،بابا ذولفقار ہاشمی ، نور حسن رجب علی سمیت نامور مقامی شعرا نے اپنا کلام اور ٹپے پیش کیئے اور سریلے انداز میں مشرقی اور مغربی پنجاب کی تقسیم، ثقافت اور تہذیب کے رنگ اور انگ بیان کئے اور مشاعرے کو چار چاند لگا دیے مشاعرے کے اخر میں مہمان شاعروں کو تحائف اور شیلڈز پیش کی گئیں ۔