پاکستانی کیڈٹس کی برازیل میں بین الاقوامی سطح پر شاندار کارکردگی

کراچی(نمائندہ جنگ) پاکستان نیول اکیڈمی کے کیڈٹس نے برازیل کے شہر ریو ڈی جنیرو میں منعقدہ 79ویں بین الاقوامی نیول اکیڈمی سیلنگ چیمپین شپ میں سلور میڈل اور مجموعی طور پر دوسری پوزیشن حاصل کر کے تاریخی کارنامہ سر انجام دیا۔ جے24 بوٹ کیٹیگری میں دنیا بھر سے کل نو ممالک کی ٹیموں نے حصہ لیا۔ حصہ لینے والی ٹیموں میں پاکستان سمیت برازیل، چین، اٹلی، پرتگال، ارجنٹائن، کولمبیا، پیرو اور انڈیا کی نیول اکیڈمیز کے کیڈٹس شامل تھے۔ اس موقع پر پی این اے کی ٹیم کے کپتان نے فتح کو پاکستان نیول اکیڈمی کی معیاری تربیت سے منسوب کیا۔