صوبہ ہزارہ تحریک نے خیبرپختونخوا کا نام تبدیل کرنے کو یکسر مسترد کر دیا

اسلام آباد(نمائندہ جنگ) چیئرمین صوبہ ہزارہتحریک سردار محمد یوسف کی زیر صدارت سینٹر طلحہ محمود کی رہائش گاہ پر اجلاس میں صوبہ ہزارہ تحریک نے خیبرپختونخوا کا نام تبدیل کرنے کو یکسر مسترد کر دیا ہے اور کہا ہے کہ ہم اس ترمیم کو روکنےکیلئے ہر حد تک جائینگے۔ اب سب سے پہلے صوبہ ہزارہ بنے گا ۔ سردار محمد یوسف کی سربراہی میںکمیٹی آج ن لیگ کے پارلیمانی لیڈر خواجہ آصف سمیت تمام پارلیمانی لیڈرز اور ممبران سے ملاقاتیں کریگی وفد نے وفاقی وزیر رانا ثنا اللہ کو اپنے تحفظات سے آگاہ کیا۔