ذاکر نائیک سے چوہدری شافع کی ملاقات ، اسلامی تعلیمات کے فروغ پر گفتگو

لاہور(اپنے نامہ نگار سے) معروف مذہبی سکالر ڈاکٹر ذاکر نائیک سےصوبائی وزیر صنعت و تجارت چوہدری شافع حسین نے مقامی ہوٹل میں ملاقات کی،جس میں فلسطین صورت حال ،پاکستان میں پیس ٹی وی کی کیبل نیٹ ورک پر بحالی ،اسلامی تعلیمات کے فروغ اور دیگر امور پر بات چیت ہوئی۔دونوں رہنماؤں نے فلسطین کی صورت حال پر گہری تشویش کا اظہار کیا، چوہدری شافع حسین نے اس موقع پر کہاکہ عالمی برادری کو فلسطینیوں پر اسرائیلی مظالم رکوانے کیلئے اپنا کردار ادا کرنا چاہیے، اسلامی تعلیمات کی ترویج میں پیس ٹی وی کا کردار لائق تحسین ہے ۔