کسی بھی بھارتی جارحیت کا فیصلہ کن جواب دینے کی صلاحیت رکھتے ہیں، پاکستان

نیویارک(کے پی آئی)پاکستان نے کہا ہے کہ کسی بھی بھارتی جارحیت کا فیصلہ کن جواب دینے کی صلاحیت رکھتے ہیں ،بھارتی ایجنٹوں نے پاکستان میں 22 ٹارگٹڈ قتل کیے ۔پاکستانی مندوب انصار شاہ نے اقوام متحدہ کی جنرل اسمبلی کی خصوصی سیاسی اور ڈی کالونائزیشن (چوتھی) کمیٹی سے خطاب کرتے ہوئے بھارت کے اس دعوے کو مسترد کر دیا کہ جموں و کشمیر اسکا "اٹوٹ انگ ہے۔انہوں نے مقبوضہ کشمیر میں اقوام متحدہ کی زیرقیادت استصواب رائے کا مطالبہ کیا تاکہ کشمیری عوام کی مرضی کا تعین کیا جا سکے، جیسا کہ اقوام متحدہ کی سلامتی کونسل کی قراردادوں کا مطالبہ ہے۔