پاکستان میں تیزاورسستی ترین الیکٹرک موٹرسائیکلز متعارف

کراچی(این این آئی)ای ٹربو موٹرزنے ملک کی سستی اور تیز ترین ای وی موٹر سائیکلزمتعارف کرکے پاکستان کی الیکٹرک وہیکل (EV)انڈسٹری میں ایک نیا معیار قائم کردیا ہے۔ای ٹربوموٹرزکی جانب سے متعارف کروائی گئی موٹرسائیکلز ایک ہی چارچ میں 300کلومیٹر تک کا سفر باآسانی طے کرسکتی ہیں۔اس حوالے سے کراچی میں منعقد ہ تقریب میں سندھ کے صوبائی وزیر شرجیل انعام میمل نے بطور مہمان ِ خصوصی شرکت کی۔ سبز پاکستان کے وژن کے ساتھ کمپنی نے کراچی کے علاقے سائٹ ایریا میں 500ملین روپے کے وسیع سرمایہ کے ذریعہ جدید ترین پیداواری سہولت قائم کی ہے جس کے ابتدائی پیداواری صلاحیت 10,000یونٹ سالانہ ہے جس میں مارکیٹ کی طلب کی بنیاد وسعت دی جاسکتی ہے۔