روسی حامی سائبر حملے کی زد میں آنے والی کونسلوں میں پور ٹس متھ بھی شامل

لندن (پی اے) سائبر حملے کی زد میں آنے والی کونسلوں کے درمیان پور ٹس متھ بھی شامل ہے۔ یونٹری کونسل نے کہا کہ وہ خود کو نو نیم057(16) کہنے والے گروپ کے ذریعہ ڈسٹربڈ ڈینیل آف سروس حملے سے متاثر ہوئے ہیں۔ روس کے حامی ہیکرز نے ان حملوں کی ذمہ داری قبول کی ہے، جنہوں نے سیلفورڈ اور مڈلزبرو کو بھی متاثر کیا ہے۔ پور ٹس متھ نے کہا کہ کونسل کی کوئی خدمات متاثر نہیں ہوئی ہیں اور رہائشیوں کا ڈیٹا خطرے میں نہیں ہے۔ اتھارٹی کے فیس بک پیج پر ایک بیان میں کہا گیا ہے کہ ہم تصدیق کر سکتے ہیں کہ پور ٹس متھ سٹی کونسل کی ویب سائٹ سائبر حملے سے گزر رہی ہے، جس کا مطلب ہے کہ سائٹ کو استعمال کرنے کی کوشش کرتے وقت آپ کو مسائل کا سامنا کرنا پڑے گا۔ پور ٹس متھ پورے برطانیہ میں ان متعدد مقامی حکام میں سے ایک ہے، جو نو نیم 057 (16) نامی گروپ کے ذریعہ تقسیم شدہ ڈینیئل آف سروس (ڈی ڈی اوز) حملے سے متاثر ہوئے ہیں۔ حملے سے کونسل کی کوئی خدمات متاثر نہیں ہوئی ہیں اور صارف اور رہائشیوں کا ڈیٹا خطرے میں نہیں ہے تاہم ویب سائٹ نامعلوم مدت کے لئے ہو سکتی ہے۔ ہم اس مسئلے کو جلد از جلد حل کرنے کے لئے کام کر رہے ہیں اور ہونے والی کسی بھی تکلیف کے لئے معذرت خواہ ہیں۔ کونسل نے کہا کہ اس کی ٹیمیں کام کے اوقات کے دوران سوالات کا جواب دینے کے لئے اب بھی دستیاب ہیں اور رہائشی آن لائن خدمات تک رسائی حاصل کر سکتے ہیں اور مائی پور ٹس متھ، بیرونی ویب سائٹ پر ادائیگی کر سکتے ہیں۔ اس ہفتے دیگر کونسلیں بھی سائبر حملوں کا نشانہ بنی ہیں۔ سیلفورڈ، بیوری اور ٹریفورڈ کونسلوں نے تصدیق کی کہ ان کی ویب سائٹس عارضی طور پر متاثر ہوئی ہیں لیکن کہا کہ اب وہ دوبارہ آن لائن ہیں۔ مڈلزبرو کونسل کی سائٹ کو بدھ کو آف لائن لے لیا گیا، جب اس کے آئی ٹی ڈپارٹمنٹ نے ایک مسئلے کی نشاندہی کی۔ نیشنل سائبر سیکورٹی سینٹر (این سی ایس سی) کے ترجمان نے کہا کہ تنظیم نے متاثرہ کونسلوں کو رہنمائی فراہم کی۔ انہوں نے لوکل ڈیموکریسی رپورٹنگ سروس کو بتایا کہ اگرچہ ڈی ڈیم اوز حملے نفاست اور اثرات میں نسبتاً کم ہیں، وہ جائز صارفین کو آن لائن خدمات تک رسائی سے روک کر خلل پیدا کر سکتے ہیں۔